健康、有機黑豚肉餃子 PDF Print E-mail

今日由中區行人天橋經舊中環街市往IFC Shopping,在入中環街市前頭昂昂突然眼睛一亮見到對面有一幅清新的圖像,貼著Fairtrade、Organic、無荷爾蒙、無抗生素、安全等字樣……心想反正無乜事便摸上去睇睇,周圍搵入口,原來在域多利皇后街街口,樓上舖。上到三樓,門口唔多似店舖但心想既然來了便推門入內看看…

意外地發覺由內可看到皇后大道中與域多利皇后街的十字路口及行人天橋稀來攘往的景況,但店內卻令你如置身好友家中…正在欣賞之際… 店內負責人現身招呼…原來這裡有簡單的有機Lunch供應,仲有自家手作全有機黑豚肉餃子…看著外面人多如蟻,真有點別有洞天之感。有機黑豚肉餃子的名又咁吸引,隨即order 一份即食…

負責人一邊煮餃子一邊介紹店內的產品… 店內主打Natural Product,泰國生產的出口歐洲食品;

包裝頗吸引,很多係我第一次見的產品: 公平貿易有機泰國香米及發芽玄米,有機烏龍茶等,平時在所謂的有機店都不曾見過。傾傾原來佢地的有機肉品種很多,尤其豬肉是有歷史的Beckshire Pork 原籍英國是黑豚肉的始祖。大家不妨上其公司网頁看看www.riseplusgroup.com 唔…講翻有機黑豚肉餃子,用的是有機全麥粉,有多款配搭,真係唔知點講… 單是親手捍皮一粒粒包這點心意已無法不給滿分,再加上百分百真材實料,真係爆晒燈。自家製有機辣椒葉配有機黑豚肉餃子又係我的第一次… 邊吃邊與負責人聊天,,認知道每個產品的背後都有一段故事,及欣賞她們對產品的知識真不少,真係少有的有心人!

吃罷餃子;負責人推介她們的公平貿易咖啡,是英國品牌Cafedirect。居然有Fairtrade Decaffeinated Organic Ground Coffee 及公平貿易及有機即冲無咖啡因咖啡。在負責人推介下這次試了Machu Picchu 的Ground Coffee, 如負責人推介有一股朱古力的香味。此咖啡還得了British Great Taste Gold 2008!

真係好開心,有如尋到寶,想不到在中環鬧市中居然有這種店舖,所以好想講比人知…Rise Plus Group Limited昇嘉集團有限公司 為了自己真係要去睇下!

最後買了公平貿易有機泰國紅糙米,Organic Chicken Whole Leg, Organic Pork Chop 及Organic Breakfast Pork Sausage及有機桂花烏龍茶,滿載而歸!

No more Rubbish Food! Rise Plus

加油呀! 我期待著另一次的驚喜!